那些年，有樣嘢要16歲以上先做得，第一次都真係有少少痛，見到啲血流出嚟都真係有少少驚，但之後又會好開心喎……係咩？之唔係捐血囉！唔只有靚女姑娘服侍，有餅食有嘢飲，仲要返到課室可以扮暈扮攰，瞓著咗都冇人鬧，又可以話寫唔到字、拎唔到重嘢，真係爽歪歪呀！

毛毛最難忘就係個塊餅同埋杯美祿，望住女神同自己拎住同一塊餅乾，飲埋同一款嘢飲，真係由個心度甜出嚟。不過咁多年都係得塊餅同嘢飲真係爭啲嘅，成日話血庫告急，不如將蛇齋餅粽精神發揚光大，或者學下台灣咁，又送米又送鳳梨酥又送廁紙咁就一定得啦！

但係蛇齋餅粽同日用品呢啲都已經Out喇！原來而家捐血係要送呢啲，台灣有個妹豬就係捐完血，點知護士姐姐奸笑住畀咗包嘢佢，佢以為係餅啦，點知係內衣呀！係內衣！係堅・情趣內衣呀！因為好很重要，所以要講三次。

呢個妹豬笨唔係唯一一個，其他妹豬都話收到，仲有唔同色同款?。唯一相同嘅就係上下都係開窿嘅，個窿用嚟做咩？有窿方便啲呀嘛衰鬼～方便睇嘢呀，有仔仔收到，拎咗嚟當眼罩戴，有個若隱若現嘅窿窿，咪可以瞓覺用又得，當裝飾用又得囉！

計毛毛話，呢個一定係特別嘅捐血方法，啲妹豬拎住套贈品返到屋企畀男友睇，佢男友肯定會熱血沸騰，連鼻血都捐埋出嚟呀！應該係，除非唔係。

封面圖片、資料來源: dcard