假如搵到一個你愛佢而佢又愛你嘅人，有邊個唔想同呢個人愛到天荒地老？可惜，呢位來自重慶嘅伯伯就冇咁好彩，佢老婆因為患癌，大約一年幾前就過咗身。

飽受喪妻之痛嘅佢，曾經試過用萬六蚊人仔買一個成人公仔返屋企，仲將老婆嘅衫著晒落個公仔度，當正個公仔係自己老婆咁款，每日同佢「老婆」相依為命。

以為同件死物一齊就可以長長久久？結果，佢「老婆」唔夠一年就爛咗。

不過，就喺伯伯傷心之際，有成人玩具商聽到伯伯嘅故事，決定送返個「老婆」畀佢，而且今次仲要係照住伯伯老婆生前後生個樣嚟整?呀！

今次伯伯好滿意，一收到就幫「老婆」梳頭，仲幫佢著多件衫，話就嚟冬天驚「老婆」冷親咁話喎……

老老77，伯伯咁長情，做到佢老婆真係幸福。不過，毛毛都想贈伯伯一句MK金句：「過去的就讓它過去，曾經畢竟只是曾經。」，將對亡妻嘅愛好好保存喺心入面就好了，千祈唔好畀哀傷影響生活，過得好，亡妻喺在天之靈先會安息。

封面圖片來源、資料來源：每日郵報