暖爐嘅魔力有幾大？你哋睇下之前呢兩隻鸚鵡一見到屋企個暖爐即刻鬆毛鬆翼咁款就知啦！

而繼呢單「暖爐征服鸚鵡事件」後，最近有另一位日本網民都發現屋企隻雞畀暖爐嘅魔力吸引住喎！你哋睇佢瞓喺暖爐前面瞓得幾梳乎，唔講毛毛仲以為佢係長大後嘅梳乎蛋……即係梳乎雞呀！

呢隻梳乎雞除咗識揀暖爐前面嘅位嚟瞓之外，佢仲識揀喺陽光底下瞓?～瞓都特登揀個靚位嚟瞓，係識歎嘅！

btw，如果可以嘅話，毛毛都好想好似呢隻梳乎雞咁，鍾意幾時黐住個暖爐發吽哣又得，鍾意幾時曬住太陽瞓晏覺亦得……唉！冇咩嘅話，毛毛都係返出去做嘢先。

資料來源：akaba_211if／twitter、k0303fuku／twitter

延伸閱讀：【暖笠笠】主人一拎暖爐出嚟用 屋企啲鸚鵡就變晒咁樣樣