情侶放閃嘅手法真係層出不窮，一唔小心就會中彈陣亡。過完光棍節，諗住咩事都冇？ 毒L，你太年輕啦！戴定副超，學下人哋點用Emoji 放閃啦！學咩呀，都冇女？今日超級月亮咁大chance都唔學返一兩招傍身，就抵你冇女啦。

呢個攝影師，唔單只帶女朋友去Paris，即係浪漫到喊嘅巴黎拍拖，仲要帶咗一系列嘅Emoji頭套同女朋友影一大堆搞怪得嚟又靚到飛起嘅相，完全都唔理吓人哋係幾咁難受嘅（星爺tone)！事後佢仲明張目膽咁將成輯相up上網開心share，簡直就係向全世界嘅毒L同男朋友宣戰呀！

你睇吓大叔嘅表情幾驚恐！梗係啦，老婆就喺隔籬，你搞啲咁嘅嘢，一陣老婆睇到嬲嬲豬問佢做咩唔學吓人哋咁浪漫，老公唔買返一兩份「小禮物」畀老婆氹返佢，分分鐘碎了一地呀，啲玻璃，老公今晚有排跪呀，難為你哋仲笑得咁開心。

你以為佢哋人少少先夠膽咁玩，咁你就too simple too naive 啦，就算係滿員地鐵都照玩可也！你睇吓後面位仁兄，眼神係幾咁哀怨，個樣係幾咁無奈，啲情緒由外至內再去返外，完全將一個旁觀嘅毒L呢個角色發揮得淋漓盡致呀！

放開個女仔佢！呢個地鐵痴漢大膽到公然伸出佢個條又長又挑皮嘅⋯⋯脷嚟舔嗰女仔呀！見人哋玩得咁開心，毛毛都覺得係時候同女朋友影返輯相啦，我連道具都準備好㗎喇！

笑甚麼，你也是單身狗！你同毛毛都肯L定係得這些機會㗎喇⋯⋯Between，有無人想趁雙12同毛毛夾返幾對？

封面圖片、資料來源： Boredpanda