有專家話，正確嘅金錢價值觀係要由細細個開始灌輸……梗係啦，如果唔係大個變咗個洗腳唔抹腳嘅敗家仔咁點算喎（如果你有得敗嘅話）！而好似呢位日本小朋友咁就啱嘞，佢唔止唔敗家，佢仲識將啲錢當係寶貝咁珍藏?～睇下，就算張一萬円銀紙唱散咗，佢都冇亂用㗎！

嗯，之唔係用碎紙機嚟唱散張一萬円銀紙咋嘛。而阿媽見到囝囝咁知慳識儉，寧願打碎張一萬円銀紙都唔捨得用，生性到咁，母親梗係倍感安慰啦……真係「開心」到幾乎喊出嚟呀！

聽到呢度可能好多人都嚇到心都離一離，不過，呢位阿媽好快就喺twitter度解釋返，原來係呢包係佢個仔去造幣廠嘅紀念品。因為日本嘅銀紙係用三椏製嘅紙整，所以好快變舊，舊鈔完成歷史任務就會回收，由新鈔頂上。佢哋本住啲舊鈔用得唔好嘥嘅心態，咪碎咗嚟做紀念品囉～

呢啲咁豪氣嘅紀念品，除咗袋裝仲有筆?～成支筆身填滿一萬円紙嘅紙碎，唔知寫出嚟嘅字會唔會特別有財氣呢？老老77，呢個媽媽真係好好彩，如果佢個仔真係碎張一萬円銀紙當雪咁灑，咁就真係let it go～let it go～

封面圖片、資料來源：akikonishi/twitter 、media.jp
圖片來源：nobihinamame/twitter 、Gosh_kz /twitter