上星期（11月8號）日本福岡市博多區出現路陷，條馬路無啦啦穿咗一個20米 x 15米嘅大大窿， 淨係睇電視畫面都覺得好擔心、好肉緊呀！

事件發生之後，當局派人日以繼夜，夜欲繼日咁搶修，雖然佢哋聽唔到，不過都好想隔住個mon同佢哋講聲加油！

唔止修路工人努力呀，日本網民都一樣好畀心機咁紛紛改圖！下，發生咁大件事，班廢青仲掛住改圖？有冇搞錯呀？冷靜啲先啦，其實事件中冇人傷亡，所以網民先會咁開心改圖咋～呢個時候都搵到機會發揮小宇宙，日本人嘅創造力量同幻想真係唔可以睇小呀！

更加令人估唔到嘅係，只係短短一個星期，即係唔夠兩個星期時間，當局已經用光速將下陷路面維修好！而家靚靚仔仔咁，真係睇唔出之前呢度發生過路塌呀！

原本聽到日本預計14日就可以重新開通馬路，都已經嘩一聲，點知而家只係一半時間就整返好，效率高到咁，真係唔寫個服字唔得呀！

https://t.co/HSn7H2UV2i
ＪＲ博多駅前で起きた陥没事故で、陥没した道路の埋め戻しと舗装作業が完了し、人や車が通れるようになりました。写真上は陥没直後の現場、下は開通後の様子です。（志）　#博多駅前陥没 pic.twitter.com/tRcVhOwd5v

— 朝日新聞 映像報道部 (@asahi_photo) November 15, 2016

封面圖片、資料來源連結： asahi_photo／twitter、 nm4__／twitter