阿媽成日哦話唔好亂買二手衫，好容易惹啲污糟嘢上身咁話喎。咁咪去啲大牌子連鎖店買新衫囉，買完再洗洗佢，就肯定乾淨到白雪雪?啦。不過都有啲污糟嘢，係水洗都唔清㗎……

紐約呢個妹豬就慘啦，去某間叫唔知咩蔓珠莎華嘅時裝連鎖店買咗兩條裙仔。著住其中一條返工嘅時候，突然覺得有啲唔妥，聞到陣死老鼠味，仲要行去邊陣味都跟住佢，唔通真係有污糟嘢跟住佢？

搵唔到邊度嚟都無法啦，life must go on 呀嘛～就係呢個時候佢覺得隻腳有啲嘢係咁撩佢，唔係咁恐怖呀？佢諗住應該係線頭姐，所以摸吓係邊諗住掹咗佢啦。點知堅恐怖嘅事情發生咗，佢摸到唔係線頭係隻腳呀！係一隻老鼠腳呀！！！


你以為咁已經夠恐怖？未算呀，摸真啲，Sxxt！入面有成嚿嘢，係原隻老鼠車咗入條裙度呀！聽到呢度毛毛啲毛管都戙起晒啦。呢個妹豬就慘喇，唔止心靈受創，仲搞到個身起晒紅斑?呀。事後佢即刻告上法庭，話要討回公道呀！


經過毛毛多年睇柯南訓練出嘅精密頭腦分析，件衫上面寫住嘅應該係”Made in Turkey” ，即係呢隻可憐嘅嘅吱吱係喺土耳其度畀黑影問號嘅凶手密封喺條裙裡面嘅，好彩天網恢恢，疏而不漏，佢去到紐約之後，終於可以重見天日喇，佢在天之靈都應該要多謝個妹豬呀！Between，都係聞下啲衫有冇陣怪味傳入我的鼻先，而家睇完個身仲有啲痕?⋯⋯

封面圖片、資料來源：每日郵報