可惜小燕子同永琪係清朝人呀，如果佢哋係現代人，一定唔會講「你是風兒我是沙」咁老套，而係講「你是香蕉我是奶」，因為香蕉同牛奶，呢對絕配真係冇得輸。

香蕉奶又香又滑，真係講起都想飲呀！話說台灣有個網民無啦啦戚起條筋想飲香蕉奶啵，又醒起阿嫲又似前一日買咗袋生果返嚟，於是就問下佢屋企有冇香蕉喇。生孫點會唔知孫心肝呀，阿嫲真係咁啱買咗香蕉呀，仲叫乖孫等等，好快就有得飲。點知只係過咗一分鐘，阿嫲就話搞掂，叫佢出嚟廳喇。

嘩，一分鐘就榨好？阿嫲都好快手啫！點知乖孫一出到廳，見到嘅，係呢個畫面……阿嫲，我係想飲香蕉x牛奶，唔係香蕉＋牛奶喎……不過咬一啖蕉再飲一啖奶，喺個口入面撈勻佢先吞都差唔多啫。

有網民見個乖孫咁灰機，仲教埋佢點樣享用呢杯香蕉＋牛奶呀！不過，你有心喇，睇完好似仲冇胃口……唉，媽呀，為何結果不是我想的那樣？

根據阿嫲嘅邏輯，毛毛都應該係個大廚嚟。各位觀眾，蕃茄煙肉炒蛋！

封面圖片、資料來源連結：dcard

延伸閱讀：【不用分那麼細】我要蕃茄蛋炒飯，唔係蕃茄炒蛋飯喎！