去日本點止食拉麵同鳩嗚呀～作為偽文青，識去梗係去博物館啦，咩千奇百趣嘅館都有，公仔麵博物館、吉卜力博物館、玩具博物館⋯⋯連石頭都有博物館呀！石頭有咩好睇呀？似你個頭囉，毛毛係話真係似人樣嘅石頭呀！

講緊嘅之唔就係喺日本琦玉縣嘅秩父珍石館囉，呢個地方專儲人面石，你睇吓佢哋嚿嚿都好似笑笑口咁望住你，但一啲都唔令人心寒，仲好趣緻?！

唔止呀佢哋仲好多都好有明星相，好似呢嚿咁就似足貓王皮禮士喇，唔知夜晚冇人嘅時候佢會唔會震過貓王呢？

呢嚿毛毛認得呀！佢咪係翻生侏儸館嗰嚿Dum Dum ？唔知係咪佢啲失散兄弟呢，就算唔係，都肯定係佢啲同鄉，肯定係，除非唔係㗎姐。見到佢記得帶嚿GumGum畀佢呀～

一睇就知佢係ET啦，你睇佢對眼，簡真係炯炯有神呀！但跟住落嚟呢嚿就考起毛毛喇⋯⋯大家又睇吓知唔知佢係咩？

娘子，同牛魔王出嚟睇耶穌喇！係呀，呢嚿係耶穌嚟㗎，似唔似就見仁見智啦，Well，睇石呢家嘢係要講現咩盡㗎嘛，Come on Man～現咩盡～

大家如果去開日本都不妨去吓呢度，唔止有機會遇到館長介紹佢爸爸50幾年嘅收藏，話唔定會搵到自己個樣呢～Between，毛毛都想搵返嚿毛者之石，不過，邊有錢呀⋯⋯冇咩事，我返出去做嘢先喇。

封面圖片及資料來源：Boredpanda
圖片來源：Another Tokyo