人都要定時剪下頭毛啦，何況係成身毛嘅汪星人呢。要成日洗白白同梳毛毛，先可以keep住個靚仔樣㗎嘛！但係唔知點解，汪星人就好抗拒做呢啲嘢嘅，好似呢隻汪星人咁呀，狗仔細細個樣竟然惡成咁！

佢無啦啦咁激動，唔係因為要幫主人嚇走賊仔呀，而係主人想幫佢梳毛咋……乜都唔使做，只係賣下萌就有人類自動奉上罐罐，得閒又有梳毛服務，咁好服侍，連你主人自己都冇咁歎呀狗仔！

「行開呀行開呀！唔要呀唔要呀！我至憎就係梳毛㗎喇汪汪！我要話畀信任嘅人知呀！」

「主人救命呀！把梳想偷襲我呀！汪！！！」睇嚟呢隻汪星人已經激動到失去常性，我哋都係唔好訪問佢住，畀佢唞唞先。

睇返佢平時啲相呀，其實不知幾打耳，成粒棉花糖咁，見到都想攬實佢呀！

可能因為佢梳毛嘅時候太激動，所以主人唯有幫佢戴個鴨嘴仔啦，不過都一樣改變唔到佢巧打耳呢個事實㗎喇！

「咬み殺す」という確固たる意志を感じる pic.twitter.com/hOtE2aqr6o

— ?すわこ?プレゼント企画 (@suwakokko) November 11, 2016

封面圖片、資料來源連結：suwakokko／twitter