由細到大我哋都畀「沒有最靚，只有更靚」、「女人唔補好易老」呢啲金句洗晒腦，所以妹豬們三日唔埋兩日就要敷一次mask，keep住個靚靚樣。不過淨係補濕、美白呢啲分唇已經滿足唔到妹豬對靚嘅追求㗎喇！

佢哋就算敷緊mask都一樣要卡哇依，所以日本咪出咗呢種卡通人物面膜，等你敷緊mask嘅時候仲可以順個靚便扮cute影相囉～

不過圖片只供參考，敷咗上去卡唔卡哇依就睇你點睇喇……毛毛真係唔敢相信高低眼同裂口女原來係小熊維尼同《怪獸公司》個型仔毛毛嚟……

卡哇依公仔面膜咁正路，點會滿足到日本仔呀！最近日本新出咗《漂流教室》面膜，一撻上塊面就可以變美川同學個猙獰樣喇！

如果夜媽媽見到家姐阿妹敷緊呢塊恐怖面膜，都咪話唔驚嚇呀！話時話，唔知敷呢塊mask得人驚啲，定落咗妝得人驚呢？不過扮漂流教室都有好處嘅，一撕返塊mask落嚟嗰刻，實個個都讚嘆你本身個樣原來好好睇啫。

封面圖片、資料來源連結：dcard、vvstore