城市人平時做嘢咁忙，都好少有機會接觸到大自然。既然而家難得可以呼吸到新鮮空氣，就梗係要瘋狂打卡話畀全宇宙人知自己幾有生活態度啦～所以呢兩位強國人咪問都冇問就行咗入去人哋塊田度自拍囉……

話說，最近有台灣網民去台東伯朗大道踩單車嘅時候，就咁啱遇到班強國遊客。老老77，個景咁靚，有咁多人嚟嚟朝聖都好正常嘅，咪你有你打卡，我繼續我遊山玩水囉。點知呢位台灣網民喺路邊一影完相，佢就見到有兩個強國妹豬行咗入人哋塊田度自拍……話時話，踩住人哋辛辛苦苦種出嚟嘅農作物影相係咪會型啲㗎？

不過咁又係嘅，唔行入塊田度，又點營造世界將我包圍嘅氣氛啫！張相影得靚啲，like都呃得多啲㗎嘛～

btw，唔通人哋想測試下啲農作物嘅生命力有幾強又要話你哋知咩？

資料來源：Ziv Jhong／●【爆廢公社】●