＿客天天都多。而噚日，又畀呢位做緊化妝品sales嘅台灣網民遇到一個喇！

話說，呢位sales開工嘅時候就見到一個帶住小朋友嘅媽媽去咗彩妝區度試妝啦，而由於公司落咗order話唔想啲客有太大壓迫感嘅關係，所以呢位sales就同個媽媽保持距離。點知，個媽媽突然對住小朋友大叫：「天哪！妳怎麼弄的這麼髒？」就喺呢個時候，呢位sales先知道啲試用化妝品畀個小朋友搞成咁……

五支唇膏，有四支都畀個小朋友擰到最盡，而剩返嗰支，支芯就斷咗一半……咁另外嗰半支芯去咗邊呢？咪臭係塞咗喺附近一支睫毛膏入面囉！

各位女士，係咪聽見都覺得恐怖呢？再恐怖啲都仲有呀！

呢位阿媽見到呢堆化妝品殘骸之後，竟然唔係第一時間同個sales講聲唔好意思，而係問個sales有冇廁所，仲叫佢帶阿女去廁所，等佢可以繼續試佢嘅化妝品。不過因為小朋友怕陌生人，所以都係要請呢位阿媽放低手頭上嘅化妝品，自己帶返自己個女去廁所。咁當然，幫完小朋友清潔之後，個阿媽都係冇放棄過試妝嘅理想啦。

可憐嘅sales表示：「她就口頭叫小孩不要再玩囉～可是眼睛還是死盯著鏡子中的自己，根本不管小孩子在做什麼！我只能無奈在旁清潔順便盯小孩兼職褓母！」而最後，佢仲默默用咗成粒鐘嚟整返乾淨啲試用化妝品……

故事去到呢度，毛毛淨係想同各位做緊sales嘅朋友仔講一句……同志們，辛苦了！btw，以呢位阿媽對化妝品嘅喜愛程度嚟講，假如小朋友有日畀金魚佬捉走，真係唔好問點解。

資料來源：dcard