而家係人係鬼呢樣嘢真係好鬼敏感㗎，唔係個個都好似司祺姐咁，邊個係人邊個係鬼一眼就眼得出㗎嘛。尤其是夜媽媽揸車，見到個長髮白衫白面嘅女人向你揮手你都咪話唔驚～強國就咁都發掘出無限商機，真係「鬼同你揸車」呀～


真係見到都X出聲呀，唔L係呀，夜媽媽玩啲咁嘅嘢？！而家喺上面揸車打十二分精神都唔夠，起碼打夠二十分呀。呢隻車尾貼而家全國風行，你以為佢無嘢好玩所以玩鬼？唔係呀，呢個係司機自己諗出嚟嘅交通安全新招呀！


所以話強國司機真係創意無限。原來係因為佢哋好憎有啲人夜晚揸車將個車頭燈開到盡，有司機仲畀啲燈搞到瀨嘢撞車，所以就諗到黐啲咁嘅車尾貼。唔開燈都唔多覺車尾有嘢，一開燈，呢鑊你仲唔＿＿？


呢啲車尾貼淘寶有售，唔止平，仲有好多款式揀?呀亲～除咗有美帝嘅吸血鬼、死神，仲有東洋嘅貞子同伽倻子。不過愛國嘅你，點可以唔揀祖國出品嘅紅衣女鬼呢～


老老77，玩到咁大，分分鐘佢嚇到畀油衝埋去，到時就真係攬炒喇！揸車嘅嘢，有咩唔啱，咪落車拎個士巴拿自行了斷囉～學師傅話齋，咁玩法，出事㗎嘛！
 

封面圖片及資料來源：Boredpanda、南華早報