有咩恐怖得過湯入面有一隻小強？咪就係得返半隻囉！不過都唔及放落自己個口入面嘅嘢唔知係咩肉咁得人驚，你有冇諗過，餐廳個碗例湯係用啲咩肉煲？如果你有一日飲到落底先見到啲唔應該見到嘅嘢，你會點⋯⋯

喺西非有個女人見肚餓咪去快餐店買碗湯囉，飲落都幾滋味，食到最後嗰嚿肉。咦，條腸仔好似有啲事喎！唔多似係刀工造成，似係天然生成多啲。咪住先，你肯肯定呢碌嘢真係腸仔嚟？

佢都擔心係咪自己無飲太太好大力，所以心煩、多疑咗啲呢？所以問吓自己細佬先，話晒男人應該熟啲啩，應該係，除非唔係㗎啫～細佬一望，個吓熟悉感！你咪就係⋯⋯都係即刻叫家姐拎去驗驗佢穩陣啲！

點知家姐個做lab嘅friend話煮熟咗分唔到係人定動物，叫佢不如驗驗啲DNA。你估親子鑑定，話驗就驗咩，最後兩姐弟將個碌嘢放入雪櫃雪住就算啦，點解要放雪櫃？保鮮呀嘛，話唔定第時有用呢，用嚟報食環呀！

不過唔驗都好嘅，話晒有啲真相都係唔知好過知⋯⋯毛毛睇完唔敢飲例湯，但毛毛不說。

圖片來源：每日郵報