2016年11月18日 星期五
【慎入】漸變色抹茶Latte擺咗幾分鐘就變到咁樣樣…
而家好興抹茶乜乜乜，抹茶流心撻呀、抹茶雪糕呀、抹茶心太軟呀，全部都係妹豬嘅至愛！聽講台灣一間連鎖飲品店都新出咗款抹茶Latte，個個都爭住去飲呀！
而家啲抹茶系甜品咩款都有，抹茶Latte好似普通咗啲啵？咁都吸引到咁多人買？你咁諗就錯喇！呢款抹茶Latte最大嘅賣點就係佢特別嘅漸變色，再加埋台灣最出名嘅超彈牙珍珠，好睇又好飲嘛！由茶綠色慢慢漸變做奶白色，真係隔住個mon都feel到濃濃嘅抹茶呀～
但係，好景不常，再治癒嘅畫面，都只係曇花一現……有網民話佢買咗杯抹茶Latte，只係擺咗幾分鐘，佢就變到咁樣樣喇……上層嘅抹茶自然產生沉澱，沉晒落杯底嘅珍珠度，竟然變咗充滿怨念嘅慘綠色，望得落仲唔知點解有啲起雞皮。
不過都好彩，佢只係擺咗一陣咋，如果拎返屋企雪返兩日，杯飲品變到一點點倒汗水咁滲返出嚟，你打夠100個冷震都唔得掂呀！
封面圖片、資料來源連結：dcard、王佳玲
延伸閱讀：
