眾所9知，早前任天堂就推出咗部迷你紅白機，由外型到基本操控、再到畫面都好有原裝紅白機嘅味道！而日本嗰邊見部迷你紅白機hit到咁樣樣，就梗係食住個勢，出埋紅白機嘅週邊商品啦～登登登櫈，係一系列用紅白機做主題嘅文具雜貨呀！

呢一系列嘅紅白機文具雜貨有筆記簿呀、原子筆呀、便條紙呀、tote bag呀咁，全套產品喺下個月23號就會公開發售。嗱老老77，呢套嘢靚就幾靚嘞，不過說到底，價錢先係重點，套嘢賣幾錢先？

左邊兩款鉛芯筆同右邊兩款鉛子筆，每支連稅賣734円（大約港幣51蚊）。

筆記簿各款連稅賣756円（大約港幣54蚊）。

Tote bag一個連稅賣2700円（大約港幣190蚊）。

btw，呢套嘢抵唔抵deal就見仁見智啦……不過對一個紅白機迷嚟講，拎住晒成套紅白機產品都咪話唔型呀！加上呢排啲yen跌破7算，有興趣嘅朋友仔咪去日本買返幾樣嚟看下門口囉。

資料來源：HMV Japan