仲記唔記得呢張相？咪就係令男友聞風喪膽嘅Follow Me 囉！當時一出，個個妹豬都話要影返張，一打開FB就成版都係Follow Me，閃到毛毛呢啲單身狗淨係想Unfollow You 囉⋯⋯

台灣呢個廿四孝男友，雖然係遲咗啲，但係遲到都好過冇到嘅，為咗幫女友影返輯靚相，咪去做吓啲Exercise，即係練習囉。佢仲搵咗個專業嘅金髮model 同佢試位?～咁大膽？！唔怕畀女朋友扭耳仔咩？ 

放開隻狗狗！你睇吓呢位Model 頭耷耷眼濕濕咁幾難受？咁又係，你就話想放閃啫，話晒人哋仲係一隻單身狗，你仲要捉佢陪你練習放閃，你都冇解嘅～

汪星人：「呢幾年大家都攰喇，走啦，我唔想搞大佢呀。」

唉～主人，人哋都擺到明玻璃心碎了一地，你就放狗一馬，唔好再扯佢後腳喇。不過話唔定狗狗一早就看透世事，其實佢心入面嗰句真正OS係：「主人，好心你就唔好咁多幻想啦，你根本冇女朋友㗎。」

封面圖片及資料來源： dcard
圖片來源：muradosmann/ Instagram