巴馬火腿鹹鹹香香咁，配埋哈密瓜一齊食，濃味得嚟又帶啲清甜，簡直係perfect match呀！好似巴馬火腿咁高質嘅好西，又點會得一個拍檔呀，其實佢同芝士都可以好夾㗎～

巴馬火腿加芝士，聽落都覺得好high class呀，唔好以為要去高級西餐廳或者去酒店buffet先食到呀，其實平平地一樣可以喺屋企整嚟食嘅，日本有個網民就同大家開心些牙自製巴馬火腿芝士卷嘅做法喇。

做法真係好簡單好簡單好簡單！將巴馬火腿放喺片裝芝士上面，撒少少胡椒粉調下味同埋辟一辟火腿嘅騷味，再用保鮮紙捲捲捲，最後切返一片片就食得㗎喇！整起上嚟分分鐘仲快過毛毛打呢段字嘅時間呀！

呢期好興嘅抹茶卷、牛奶卷、芝士卷大家都食得多啦，不過多數都係甜味嘅，呢個鹹味巴馬火腿芝士卷，去野餐或者下個月聖誕Party整就啱晒！

生ハムとスライスチーズを…こうしてこうしてこうじゃ～～～～～～～
ワインが美味い。 pic.twitter.com/MRtOulvLMW

— あなざー (@vipanother) November 19, 2016

封面圖片、資料來源連結：vipanother／twitter