以前要做閱讀報告，個個同學都會鍊成透視眼，淨係望下個封面封底就當睇完成本書，仲吹到成幾百字讀後感想出嚟。不過阿媽見到呢一幕，一定會話「衰仔你淨係睇個書名就當睇咗㗎嗱？」係呀阿媽，睇書名真係睇到成個故事㗎……

不過要好多本書夾埋一齊咋嘛。呢十幾本書，唔同作者又唔同出版社，表面上好似冇乜關連，不過呢啲都只係掩飾。台灣一個書店店員就成功破解咗呢串暗號，拼返一個完整嘅懸疑故事出嚟喇……你殺了凱文前女友，我又殺了兇手……媽好亂呀，不過邊個殺邊個都好啦，最後都係要坐花廳。

冇咁好心機將唔同書名拼做一個故仔，都可以做到個出色嘅書店店員嘅。少年呢個堅定嘅眼神，加上鵝攞多支嘅S型身材，一睇就知佢對keep fit有幾大決心！客人見到呢個零違和感嘅畫面，一定唔忍心分開佢哋，想兩本都買晒返屋企啫！用呢個方法嚟谷營業額都諗到，高招高招！

やっぱライザップはすげえよ… pic.twitter.com/kLEUg24kKN

— 灼熱のブリザード高橋＠相互フォロー募集 (@hames_lodriges) November 18, 2016

封面圖片、資料來源連結：劉亞琪、hames_lodriges／twitter