病有好多種，有啲病你唔講都無人知，但有啲病，你唔想畀人知都唔得。好似白化症咁，就算想隱藏，都難免會好似漆黑中嘅螢火蟲一樣咁鮮明同出眾，吸引好多路人嘅目光。你以為佢哋好慘？錯喇，其實佢哋係掉落凡間嘅精靈嚟㗎，唔信？有圖有真相！

一睇就肯肯定佢係精靈喇，好似喺童話故事書走出嚟咁呀，係咪好靚呢？呢輯相係由俄羅斯攝影師Yulia Taits影嘅，佢希望透過呢輯相嚟表達白化症患者獨特嘅美態，嗰一種獨特嘅純粹。

成輯相都係用白色做基調，但係一啲都唔單調，仲好夢幻?。所有效果都係透過陰影同光線等等嘅自然因素營造，絕冇PS㗎，係咪覺得特別Prue特別True呢～

睇吓呢個BB幾得意？同教堂壁畫嗰啲露屁股嘅小天使成個餅印咁呀～再睇埋佢嗰個純真嘅笑容，真係心都融晒～

雖然喺相裡面嘅世界，佢哋每一個都同樣咁靚，無分彼此。但喺現實世界，白化症患者好多時都要忍受其他人異樣嘅目光同歧視。其實佢哋只係外表同普羅大眾有啲唔同，不過佢哋同其他人一樣，都需要尊重同欣賞。但係你睇完呢輯相，就算覺得人哋好靚，都唔好眼甘甘望住人哋呀，一陣畀人當你係怪叔叔就唔好喇。

封面圖片及資料來源：Boredpanda