唔好睇少每一個留言畀你嘅網民呀，因為佢哋嘅一句說話，分分鐘救你一命！

話說日本有位朋友釣咗條大魚上嚟，心諗今次發喇，即刻就post上網曬命話要整刺身點豉油嚟食啦，點知有眼利嘅網民就留言同佢講呢條魚係有毒㗎，仲要毒過河豚70倍咁多！釣大魚嘅朋友見到個留言，就放返落魚落海喇，雖然擺到埋嘴邊都冇得食係慘咗啲，不過都算執返身彩啦。

咦？呢個網民又搞咩呀，係咁打啲冇人明嘅火星文，仲要連出幾個post，唔通佢先係食錯嘢中咗毒？定係畀外星人擄咗，打緊暗號想叫人救返佢呀？！

經過毛毛抽絲剝繭嘅調查，神秘密碼事件終於水落石出喇！原來個網民唔係high咗嘢，而幕後黑手，就喺呢度！呢隻汪星人竟然趁主人睇唔到就偷偷地用佢個twitter瘋狂出post！咁多手，一陣班FD子以為你主人傻咗咁點算呀！

「主人成日掛住上網唔理我，等我趁佢去咗屙sss都睇下有咩好玩先！汪汪！」

不過好可惜呀，佢識出post又唔識人類嘅字，搞到佢想上網識狗女都唔得。

要破解汪星人打緊咩暗號，可能就要問下呢隻識上網嘅喵星人先知喇，話晒大家都係外星人吖嘛。

今年二度目の現行犯逮捕ですね pic.twitter.com/Ogh2R3eHA6

— caoli.sir ak (@valonian) November 21, 2016

封面圖片、資料來源連結：valonian／twitter、narathiga／twitter

延伸閱讀：【仲捉你唔到】就係你撞錯我電腦密碼三次！