俄羅斯作為戰鬥民族，英勇事蹟有如滔滔江水連綿不盡，大家對佢哋嘅景仰更加係有如黃河犯濫一發不可收拾。唔止高顏值嘅仔仔女女唔可以睇小，就連大叔都勇猛過人呀！

哎吔！狗狗今次真係行錯路，差錯步喇，居然跌咗入個冰池度，你睇佢幾絕望？連其他在場嘅戰鬥民族都唔敢輕易出手呀，唔同狗狗條命仔真係凍過水？

唔使騰，no problem！正義嘅朋友出現啦！你睇吓呢個大叔，冰天雪地莫講話羽絨，連衫都唔使著，你哋啲打壞後生係咪好慚愧呢～

大叔一嚟就施展呢招臥冰救狗，伸出佢強而有力嘅臂彎，嘗試將狗狗從呢個冰冷嘅深淵拯救出嚟喇！不過狗狗唔知係咪驚得濟，係咁喺度吠，搞到大叔頭都大埋，唔知點入手好呀⋯⋯嘩！人哋好心救你，狗狗你仲一啖噬落去！

不過大叔完全唔理自己傷勢，又唔怕畀狗狗咬多啖，狗狗咬到佢實一實，大叔仲食住個勢，乘機一嘢拉埋佢出嚟！

救狗救到佢成手血，但係都冇諗過放棄，點都要救到狗狗出生天，大叔你係得嘅！難怪而家連東洋妹豬都要改約啲大叔去dating啦。大叔有膊頭有腰骨，仲要有埋愛心?呀～邊個話麻甩佬唔有型㗎！

封面圖片及資料來源：Alexander Levashov/Youtube