金絲雀～金絲雀～金色美麗似鳯～

喺呢個貓星人當道嘅年代，雀仔要企得住腳就梗係要諗吓計仔喇～除咗要識占卜，仲要識賣萌！而賣萌嘅最高境界就係你賣完都唔知自己萌，仲要天然呆咁嘅樣望住人哋，就好似呢隻文雀咁呀！

少年，你以為佢只係喺度沖緊涼？你太年輕喇……唔通人哋用主人杯麥茶嚟做spa又要話你知咩？

雖然隻雀仔做spa做到一枱都濕了，但主人你大方啲啦，人哋拎你杯茶嚟洗身都係睇得起你啫，而家仲要畀你欣賞埋佢出浴個sexy樣，分明係益你啦！你睇吓呢個pat pat幾誘人～

老老77，毛毛覺得呢隻文雀簡直係天才，知道麥茶抗衰老，所以先特登揀主人杯麥茶嚟浸～不過天才通常都係畀世人誤解㗎喇，你睇吓佢隔籬個Friend啲鄙視眼神……

btw，呢隻出水文雀個look咁清新脫俗，聞落仲有一陣好fresh嘅麥茶味?，真係連毛毛個心都差啲畀佢偷埋呀～文雀果然係偷嘢高手！

封面圖片及資料來源：@hiroshikasaku /twitter