2016年11月23日 星期三
【求助】洗機係咪咁樣洗㗎？
對於唔識整電腦嘅人嚟講，整電腦就等於洗機重裝、洗機重裝同洗機重裝。之但係，點洗先洗得最徹底呢？呢位日本網民就表示：洗機梗係用水洗啦，唔用水洗唔通用條脷嚟奶呀！
是咁的，話說呢位日本網民就想清咗部機入面啲data，不過諗嚟諗去，始終都係覺得用水洗會比較好，所以咪成部手提電腦浸落啲水度囉。
雖然毛毛覺得呢位網民咁樣洗機法真係屈晒機，但有另一位網民就唔係咁睇嘞，佢認為，應該直程拎埋個harddisk出嚟，再用啲鹽呀、糖呀、胡椒粉呀等等嘅調味料嚟洗，咁先係最徹底、最乾淨喎！
弱弱一問，其實部機咁樣洗完仲要唔要得返……
嗱，你哋又自作聰明做乜7啫？人哋話想清除入面啲data咋嘛，又冇返想要返部電腦，而家呢兩個洗機方法咪滿足到呢位網民嘅需求囉！再講吖，唔通人哋不惜犧牲自己部電腦，特登出個post嚟釣真心膠又要話你哋知咩？
資料來源：fluffy_yumi／twitter、chaff1985／twitter
延伸閱讀：
