繼有台灣網民發現燒汁魷魚筒個樣好似一堆嘴唇之後，最近又有另一位外國網民發現咗一個令人回不去嘅絕相真相，就係……有冇人覺得肉桂捲個樣好似E.T.呀？

唔講由自可，一講……又真係幾似喎喂！無論係頭嘅形狀、面上嘅皺紋定eyes nose lips嘅位置，都同原裝嘅E.T.似到十足十～而且呢隻仲要係一隻沉睡中嘅E.T.嚟?！

老老77，似到咁樣樣，唔係唔改圖下話？而一眾PS大神見到呢張肉桂捲潛力圖就梗係即刻出手啦～登登登櫈，乜嘢叫做毫無違和感？咪就係呢啲囉！

喂，張改圖出色到咁，你哋叫毛毛以後仲點樣面對嚿肉桂捲啫？睇完呢張咁出色嘅改圖之後，毛毛已經傻傻分不清肉桂捲同E.T.個樣，回不去…真係回不去……

資料來源：cheftlp1221／reddit、imgur