有一位偉人話過，媾女嚟計兩個字㗎啫－靚仔。唔靚仔唔緊要嘅，有錢咪得囉。你冇錢都唔緊要，成功靠父幹呀嘛！ 好似外國呢個?仔，阿Tommy仔咁就有前途喇，年紀輕輕就知追女仔要趁早落訂，仲要重搥出擊，一嚟就送戒指呀！

呢個妹妹笑得幾冧～Tommy仔係好嘢嘅，但未來岳父知個女咁細就畀人搶咗梗係唔多高興喇。不過做人阿爸嘅，睇死呢個死?仔咪最多送得起啲咩「Horrible」 戒指糖～點知叫個女拎嚟一睇先發現……

仆你個＿，真係鑽石戒指嚟嘅喂？仲要有成三粒大大粒嘅鑽石喺上面?！問真啲先知原來Tommy仔係擸咗阿媽隻訂婚戒指嚟媾女……雖然隻戒指就唔係Tommy仔嘅，不過未來岳父面對呢位咁有錢途嘅潛力股女婿都相當滿意，仲叫佢繼續努力?～

老老77，小學生就已經玩到要送鑽戒，你有冇諗過毛毛呢啲人又無、錢又無嘅人嘅感受呀？啲女畀你哋媾晒啦！睇嚟都係落超市買幾粒戒指糖算喇⋯⋯咪話毛毛唔提你，有女嘅千祈千祈千祈唔好畀佢睇到呢篇文。睇緊？揀定小禮物啦你！

封面圖片及資料來源：每日郵報、LAD Bible