大型垃圾要抌去大型垃圾站是常識吧！不過，噚晚有網民就喺屯門工業區見到有街坊就咁將部鋼琴放咗喺垃圾桶側邊，拍下籮柚就走咗去……嘩，乜咁好帶挈呀？第二日嚟清垃圾嗰位清潔工人真係多得你唔少喎！

唔少網民見到呢個post都話呢位亂抌鋼琴嘅街坊係大嘥鬼，唔想要部琴應該上網free畀有需要嘅人，仲話大把人想買琴都買唔起呀咁。sorry，毛毛弱弱一問，呢啲係咪就係「寧願抌咗佢都唔益你」呀？

btw，雖然呢位街坊咁樣樣放部琴喺街，浪費得嚟又麻煩到清潔工人，但以毛毛9估，唔通人哋特登放部琴喺度畀班街坊熱烈地彈琴熱烈地唱又要話你哋知咩？之前烏溪沙公眾碼頭旁邊夠有人放咁大張梳化喺石灘啦……

計毛毛話，其實呢部琴同張梳化都只係裝置藝術嚟㗎啫，嚇毛毛唔到嘅！

資料來源：Eagco Leung‎／屯門好生活 Tuen Mun Good Life、Bryan TO／馬鞍山之友

延伸閱讀：【公德心呢喂】邊個放張梳化喺烏溪沙碼頭隔籬個石灘呀？