2016年11月24日 星期四
【難得一見】山梨縣驚現雪中向日葵
嘩嘩嘩，今朝一睇facebook就見到各位去咗日本玩嘅毛毛瘋狂upload東京初雪相。聽講呢場雪仲係東京54年嚟第一次喺11月錄得「初雪」，足足比舊年早咗成49日咁多?……唉，而家喺東京嘅廢青們就有爽歪歪啦！
而喺東京都附近嘅山梨縣北杜市都因為提早落雪而出現難得一見嘅景色喎！登登登櫈……係雪中向日葵呀！
嗱，雪中梅花同雪中櫻花呢啲大家就可能見得多啦，估唔到繼早前嘅雪中紅葉之後，而家又有得睇雪中向日葵～擁有濃濃夏天色彩嘅向日葵加上冷冰冰嘅積雪，呢兩樣大纜都扯唔埋嘅嘢擺埋一齊，係咪睇見都覺得好夢幻呢？
btw，雖然雪中向日葵係幾夢幻，但毛毛都希望呢場初雪唔會為一眾花農帶嚟太多壞影響啦。
