狗，既忠心又長情，對住自己最心愛嘅玩具可以日日玩、日日咬都唔厭嘅。大部分狗狗都係鍾意骨頭或者啤啤呀咁，而呢隻狗狗就有少少唔同呢，佢最鍾意嘅係聖誕老人呀～

咁又係嘅，聖誕老人肥嘟嘟紅卜卜咁，仲成日對住你笑，笑到……你都想笑埋一份，又難怪狗狗咁鍾意佢，連夜晚睇電視都要佢stand by me嘅～Ho ho ho！

主人見佢咁鍾意聖誕老人，加上聖誕又就嚟到，咁諗住送份小禮物畀佢囉……就係帶佢去見堅・聖誕老人喇！想見聖誕老人？唔使用劍嘅，帶狗狗去商場咪見到囉！

汪星人：「人在遠方蟬沒有和唱……呀！！！聖誕老人攬住我呀！」

你睇佢開心到呢～睇嚟呢隻狗狗已經收到份最好嘅聖誕禮物喇！btw，好彩主人都唔執輸，識得用狗狗呢個OMG表情呃到唔少like同share啫～嗱嗱嗱，你知而家啲like同share幾值錢㗎啦，主人記得好好獎勵佢，啜多佢幾啖喇～

封面圖片及資料來源：＠jjmontaldo／twitter
圖片來源：kyastagram/／Instagram