話說，早前有三位韓國人妻就帶埋自己個B去其中一位人妻屋企度gathering啦。雖然三個女人一個墟，難得見面實會傾到雞啄唔斷，但作為一個賢妻，不忘家事是常識吧！等我洗定啲海帶今晚煮先～而就喺浸緊海帶嘅期間……班好奇寶寶就開始作反喇！

咦喂，做乜啲海帶飛到周圍都係嘅？家陣開緊海帶party呀？

唔止咁，班好奇寶寶仲好為食咁擺啲海帶入口?……喂喂喂！啲海帶未知洗乾淨未㗎，唔好亂咁放入口呀衰仔！

不過咁，就憑呢班好奇寶寶嘅海帶髮型同條蠟筆小新眉，毛毛就知道……有份召喚爾康嘅唔止班BB，其實班媽媽都有份！嗱，做得人阿媽嘅，唔好玩食物，都唔好玩BB呀下！睇下，玩到中間個BB喊咁口喇，都係右手邊個肥BB夠淡定～

btw，咩玩食物啫？唔通人哋浸緊海帶浴又要話你知咩？

資料來源：vjiniv、hyomin1234567、px_____xq／instagram