上個月嘅小丑女節……sorry i mean萬聖節，唔少人都特登扮到鬼五馬六咁嚟慶祝，而當中最搶眼嘅就梗係cosplay無臉男一cos成名嘅台灣小妹妹「萌萌」啦！佢cosplay無臉男嘅相仲揚威海外，連外國媒體都爭住報導?，真係巧威威！

吖～毛毛以為「萌萌」天生打耳就話cos咩都cos得咁出色啫，點知原來要cos無臉男真係一啲都唔難，就連屋企一把咁普通風扇都可以cos到㗎喎……唔信？等毛毛同大家一齊睇下啦！

話說，有日本網民就話自己無意中發現原來屋企把風扇同無臉男撞咗樣呀～你哋睇下，無臉男就係隱藏咗喺把風扇啲掣度嘞！是咪冇100%都有99%似先？

嗯，連一把風扇都可以成功cos到無臉男，睇嚟毛毛要努力啲發掘下自己有咩潛能先得！話時話，其實毛毛隻左耳都可以成功cos到毛毛隻右耳吖～ ＃天生我才必有用 ＃跳起yeah

資料來源：M__zales／twitter、艾摩妞的萌寶&咩寶

回帶：【超強大】幼稚園萬聖節Party根本就係一個戰場！