雖然仲有一個月，但毛毛已經隱約聽到「誰又騎著那鹿車飛過」……唔通今年真係又要過lonely christmas？嗱，想聖誕有得放閃照？其實唔難，有咗呢個集郵神器咪得囉！

話說，Bandai最近出咗一set「忍法Kiss顔風車」扭蛋，話只要有咗呢個扭蛋就可以影到女女kiss kiss相喎，仲請埋靚女員工親自拍片示範?～

首先，你要去扭蛋。然後，將個風車裝落電話，跟手見到女神嗰陣就禮貌地問下佢介唔介意瞇埋眼幫你吹……一吹個風車，如果佢肯，你就趁佢吹緊嘅時候輕輕撳一下快門！你睇～呢個東洋妹豬就咁無啦啦畀人集咗郵喇！

不過呢個忍法嘅成功秘訣就係要指示清晰，講清楚係用口吹！如果唔係就好似呢位妹豬咁，你同佢講合埋眼令個風車轉，佢就真係好prue好true咁合埋眼用手指轉個風車㗎喇……

btw，如果你諗住得女仔先會中招？少年，你太年輕喇！老老77，呢個神器真係毒L出門居家必備，係男女強身嘅妙品，妙品！地方嘅毒L，仲唔快啲叫去日本玩嘅fd子扭定幾個？嗯，毛毛希望你哋會有同女神講嘢嘅勇氣啦。

封面圖片及資料來源：Bandai官方頻道／Youtube