幾時都話，出外旅行時要注意自己嘅行為，

因為，你唔係淨係代表你自己，你仲代表緊一個地方。

今日下晝兩點，有日本居酒屋「酒たまねぎや」店主就喺facebook page度投訴，話有香港遊客嚟到淨係叫咗一杯酒就坐成兩粒鐘，而且兩個鐘頭內都不斷影相，好似淨係為咗打卡先嚟咁，令店主覺得不受尊重。唔止咁，佢哋走嗰陣仲留低垃圾要店主清理?！

而有網民就發現呢位無禮香港人可能唔係一般遊客咁簡單，而係一位日本旅遊達人乜乜乜……咦，普通遊客都勉強可以話唔熟日本人規矩先搞成咁啫，乜日本旅遊達人都搞成咁呀？以毛毛9估，話明旅遊達人又點會唔知呢啲行為係冇禮貌呢，佢肯肯定係想做個反面教材畀大家睇，等大家明白守禮儀嘅重要性啫（應該係，除非唔係）。

資料來源：酒たまねぎや