某哲學家話過，愛人係唔需要理由，但係分手就有千千萬萬嘅理由，包括啲你唔明點解可以係理由嘅理由。唔講唔知，原來呢個世界上真係有人可以就咁講句「又醜又吵」就大條道理咁遺棄一隻出世冇幾耐嘅鸚鵡BB。

話說，台灣有個主人嫌隻雞尾鸚鵡BB又醜又嘈就放隻雀入個關東煮盒，然後再隨手抌個盒喺草叢，唔止咁，佢仲寫明叫領養者三思……真係見到都＿出聲！

老老77，毛毛真係睇極都睇唔出隻鸚鵡BB有邊忽醜，講醜，點都醜唔過啲連棄養咁冇人性嘅事都做得出嘅人啦下話？

好彩呢隻鸚鵡BB遇到個好心妹豬，用好似太陽咁溫暖嘅女神之手拯救咗佢，仲帶佢返屋企見新屋企人?！妹豬話BB仲細，等佢大隻啲先畀佢哋兩隻一齊玩喎～

其實生命好脆弱，呢隻鸚鵡BB名副其實毛都未出齊，想飛都冇得飛，假如佢冇遇上呢個妹豬嘅話，面對住啲咁凍嘅天氣，可能一早就凍死咗……

封面來源及資料來源：dcard