係女都會想有男人當佢哋係公主咁?……不過做公主首先要有咩？要有兵？錯！首先你要有座城堡。唔好話公主吖，王子冇座嘢喺手都媾唔到女啦～所以呢位外國老竇為咗自己未出世嘅仔女咪落手落腳，務求令房間每個角落都同城堡似到十足十囉！

首先由天花板開始，本來係白色，畀老竇畫一畫，立即變藍天亦得～得咗！係咪見到都想唱返句「藍藍天空高掛我的夢」呢？

跟住最難搞嘅就梗係幅城堡牆啦！嗱，唔好以為呢位老竇就咁黐塊流到喊嘅牆紙上去呀，砌牆砌得咁隨便，邊度有人畀面㗎？所以佢決定逐嚿逐嚿磚配埋深淺色咁砌上去。

差唔多砌好，老竇都係覺得唔多妥，究竟係邊忽有問題呢？原來係度門！轉埋pattern咁就perfect池喇～

其實，呢個廿四孝老竇因為同老婆試咗兩次試管造人失敗，曾經都諗過放棄裝修間房。但最後佢都係選擇砌落去，因為，呢座城堡就係佢同老婆嘅希望，之所以呢座城堡命名為「Castle Hope」。而佢哋啱啱就試咗第三次試管造人，雖然暫時未知成唔成功，不過毛毛都希望呢座城堡快啲有小主人啦！

封面圖片及資料來源：the Chive