明明細個嘅時候，就係大人買Lego畀我哋玩嘅，但一大個咗，就次次掂下啲Lego都畀人話係廢青、有正經嘢唔做！哼，如果玩Lego玩到好似呢個日本網民咁強大，睇下仲有邊個敢話你廢！

用一張紙摺哥斯拉、用紫蘇葉砌哥斯拉呢啲招式，我哋之前都見識過啦，今次要介紹嘅神之手，就係用Lego砌哥斯拉頭盔出嚟喇！毛毛真係幾時都話高手在日本民間呀！

呢隻咪第4形態哥斯拉？！平時睇Lego展覽多數都砌得好整齊、一排排一行行咁㗎嘛，但係呢堆Lego近睇好似雜雜亂亂、成個垃圾崗咁，點知一拉遠少少睇，就成隻哥斯拉出晒嚟！

唔止神還原呀，呢個哥斯拉頭盔仲可以戴埋上個頭度玩，今次呢個超強大網民真係又夠威又有得戴頭盔喇！

レゴを好きにしました。『シン・ゴジラ』よりゴジラ第4形態の頭部です。頭に被ってゴジラになりきる遊びができます。 pic.twitter.com/R4Z1mgZgEY

— ギルメロン (@Guilsogue) November 25, 2016

封面圖片、資料來源連結： Guilsogue／twitter

同場加映：

【會唔會太勁】用紫蘇葉就砌到隻哥斯拉出嚟係咩玩法

【神之手】日本達人用一張紙就摺咗隻哥斯拉出嚟！