有次毛毛問起班女同事識唔識煮嘢食，一個二個即刻賢妻上身咁話自己識呀識呀，識煮公仔麵同煎雞蛋呀……嗯嗯，毛毛覺得佢哋廚藝好高超囉，真心！唔好以為我講反話咁串呀，識開火煮麵已經好叻㗎喇，事關有啲人連煲飯都唔係幾識㗎其實！

最近呢張相喺日本twitter勁hit呀，個飯煲啲飯滿到就嚟瀉咁，唔通班網民覺得呢個盆滿砵滿嘅畫面好治癒、好有食福，所以係咁share？

世事邊有咁簡單呀，其實係有個傻豬豬煲飯初體驗，唔知水同米要落幾多份量，所以咪煲咗十日嘅飯量出嚟囉……笑咩呀笑，其實要煲到啱啱好去到煲頂先唔簡單呀，唔信你今晚返去試下？！

 第一次煲飯嚟講，煲成咁已經唔錯㗎喇，係多咗少少啫，咪食多幾日，或者整個白飯定食慢慢歎囉！

好彩呢個未來廚神唔係用講明唔黐底嗰種飯煲咋，唔係一陣成煲飯係就係唔黐底，點知黐實個煲蓋仲慘呀！

米と水の分量計らん奴と初めて会った pic.twitter.com/TVNmTCfpVt

— すぐる(ちゅっぴー) (@oguruchann) November 27, 2016

封面圖片、資料來源連結：oguruchann／twitter

延伸閱讀：

【媽呀】唔記得擺內膽，煲飯就搞到咁樣樣喇！

【天才廚神】乜電飯煲唔係要擺上電磁爐加熱嘅咩？