家陣搵食艱難，連做個地盤佬都唔易呀，之前網上就試過瘋傳一張地盤專用嘅「人與人溝通技巧」，搞到大家都話唔L係呀，搵食啫，喺地盤講幾句粗口犯法呀？原來而家唔止話要有溝通技巧，連做嘢著少件衫都畀人話呀陰功。

地盤叔叔成日搬搬抬抬，又日曬雨淋，有時上身打大赤肋做嘢好出奇呀？係咁㗎啦～弊在影相畀上頭睇嗰陣，上頭唔收貨呢。唉，上面啲人尖ming on your office 㗎嘛，又點會明白打大赤肋做嘢先係地盤佬形象嘅神髓呢？

好在呢個台灣嘅地盤阿哥識得腦筋急轉彎，你要衫呀嘛，用小畫家妙筆一揮，即刻著衫亦得，得咗！你睇吓呢件古惑的黑衫，遮住大部份嘅身，又隱隱約約露少少肉出嚟，呢啲咪fat唇囉！真漢子fashion嘅嘢，你扎條鐵咩～

不過睇嚟上頭都係唔多buy喎，一於出絕招！落埋萬能黑白filter，大叔都變大文豪啦！反正部printer都係印黑白，有冇著衫都係真漢子，不用分得那麼細。當然，結果都係過唔到上面，要麻煩地盤叔叔著返件衫再影過喇。雖然係好麻煩，但係地盤叔叔記得唔好話「又要我做乜9吖？」，要試著說：「我喜歡接受挑戰」，話晒做個職安真漢子，承擔起改變要堅決呀嘛！

封面圖片及資料來源：爆廢公社