2016年11月28日 星期一
【自己垃圾自己帶走】大帽山牛牛當膠樽係食物
出門去旅行會影咁多相，多數人都會著到隻雀咁靚嘅，不過去露營宿營就唔同喇，有啲朋友會特登帶件爛臭tee去，諗住著完掉咗去就算，唔使玩到成身散晒仲孭咁多嘢返嚟呀嘛～原來行山嘅時候，有啲人都一樣，特登用即棄膠樽裝水，飲完就掉入垃圾桶，等落山回程可以輕輕鬆鬆鄧梓峰嘅～
咁樣聽落都幾正路呀，不過原來諗深一層，咁做都一樣會對環境做成傷害㗎。雖然掉入垃圾桶係好有手尾，不過郊野嘅垃圾桶隔好耐先有工人清一次，加上野生動物都會摷垃圾桶，佢哋好易當咗塑膠垃圾係食物㗎！
好似大帽山呢隻牛牛咁呀，叫佢分邊隻係普通牛、邊隻係牛魔王就話識啫，膠樽同食物，佢邊分到㗎，所以就當咗個膠樽係草咁，起勢咁???……
網民見到牛牛食膠樽，梗係心痛啦，牛牛食食下跌咗個膠樽落地，佢就即刻衝上前搶走個膠樽，唔想牛牛繼續誤食，不過如果一山都係垃圾，佢又搶得幾多呢……
毛毛同影到呢段片嘅網民傾過，佢話如果啲垃圾跌咗海，就會成為海洋垃圾，畀魚仔啄嚟食，如果留喺山上，又會畀牛牛誤食。「自己垃圾自己帶走」其實唔難，希望大家都可以為環境做多一步！
封面圖片、資料來源連結：葉曉文／香港自然生態論壇 HKWildlife.net
延伸閱讀：
