有拍拖嘅朋友都知啦，一年到晚，又聖誕（明明係穌哥生日點解唔係同穌哥慶祝？）又生日（明明係老母生你點解唔係同老母慶祝？）又情人節（一定係商人諗出嚟）又紀念日（講咁耐得呢個正路）……咁多日子要送禮物，真係諗送咩都搲爆頭。不過係真心嘅話，送張卡、寫幾句感言，真係感動過送份千千聲嘅小禮物好多。

寫卡有邊個唔識呀，話晒生日咁大日子，一定要畀個驚喜男朋友嘅！站上山峰高呼需要你都唔夠呀，寫段感言喺佢車頭就fit晒喇～大大隻字，唔止男朋友仔睇到呀，連路過嘅人都閃到眼殘，咁先夠sweet㗎嘛！ BB豬見到一定眼泛淚光啫～記住呀，幾感動都要繼續包容你女朋友呀嘉德兄……

喊咩啫，一日最衰都係你呀嘉德兄，唔係你keep得架車咁乾淨，女友大人又使乜特登買支marker嚟寫字咁辛苦呀！如果你架車啲塵成吋厚，女朋友咪可以淨係用手指寫字囉！總之點都係你唔啱！

封面圖片、資料來源連結：劉德滑