日本人就一向創作力量同幻想都會嚇你一跳㗎啦～但其實香港人都唔弱㗎，特別係點心呢樣嘢，好似之前風麾一時嘅蛋黃哥包同小新包咁，最緊要喺啲重要部位篤個窿，望住入面啲朱古力醬咇出嚟嗰吓～真係好Amazing 呀！

不過估唔到今次連日本人都要寫個「伏」字呀！你睇吓呢對Olaf 包個樣？係咪好有親切感呢？梗係啦，啱啱萬聖節完呀嘛，嗰排成日咪都見到乜乜列車嘅～肯肯定係佢未過Festival Mood，轉唔切去聖誕Mode啫，冇事嘅～

不過個日本遊客睇完就當堂嚇一跳，然後得啖笑～梗笑啦，你睇吓佢個頭幾⋯⋯打耳⋯⋯呃⋯⋯個咀唇都幾sexy呀～55，難怪成為咗日本twitter界嘅熱門話題啦～ 

計毛毛話，你哋班東洋人唔識貨就真，人哋呢個分明係後現代寫實派嘅作品嚟啦！人哋Olaf係雪人嚟㗎嘛，你擺人入個蒸籠度蒸，咁佢個樣就梗係「高溫燒滾了我」咁嘅款㗎～所以呢個包應該改名叫做樂也融「融雪」寶包，開心到雪人都融埋喎，係咪聽到都想食一甩呢～一定係，除非唔係㗎啫。

封面圖片及資料來源：＠sanbusho_cafe/ twitter