啲人去親日本都話要買酒返嚟，咁又係，唔止有鼎鼎大名嘅「鄉音」，就連其他酒啲包裝都寧舍不同，用嚟送禮自用都一流呀。吓，乜你仲飲緊原粒梅子嗰啲「睬呀」梅酒呀？識飲梗係要飲原個蘋果浸酒啦！

I have the wine~ I have an apple~ 啊~ Apple Wine! 你睇吓，堅係成個蘋果喺個樽入面㗎！咪住先，呢個樽口咁細，根據毛毛精密嘅數學頭腦計算，係肯肯定冇可能塞入去㗎喎！莫非佢參考咗我哋偉大祖國嘅膠科技浸酒技術，擺咗個吹氣蘋果入去？

哦～原來係趁個蘋果仲細細粒容易食嗰陣就將佢入樽～咁棵蘋果樹咪有好多個樽，變咗「樽果樹」囉？！你問如果個蘋果有蟲點算？咁毛毛就唔知喇～不過冇事嘅，人哋啲蟲酒乜乜乜都係咁浸啦～

Any肥，咁樣成個蘋果放落支酒度又係幾得意嘅。其實呢隻酒外國一直都有得買㗎，不過喺日本就唔太多人識，所以今次入口日本之後，大家都覺得好新奇，所以就喺twitter 爆紅喇。大家飲完之後，仲可以用自己嘅方式拎個蘋果出嚟食?。再唔係咪當係IQ題考吓啲Friend子，睇吓如何唔打爆個樽又食到個蘋果囉～

封面圖片及資料來源：@backyennew /twitter