「我Salior Moon今日就要替月行道，警惡懲奸！」呢句開場白，毛毛細細個就聽過啦！由日日都扮美少女擺甫屎講呢句對白，到遺忘咗佢，一聽返就覺得又熟悉又老尷……原來美少女戰士已經陪咗我哋廿幾年喇！

2012年係美少女戰士20週年紀念嘅大日子，當時出咗好多紀念產品呃妹豬錢等大家懷舊下㗎～出下出下出咗幾年，最近就出咗高踭鞋系列喇，妹豬們都很想要吧？

代表月野兔呢對深藍色高踭鞋，加埋紅色蝴蝶結同細細個月亮，有美少女feel得嚟又唔會太誇張，著出街都好ok呀！不過有啲人就唔係幾鐘意鞋踭粒大鑽石喇～

嗚呀！今次仲有埋天王遙同海王美智留?呀！型嘅又有、充滿女人味嘅款又有，係咪即刻成個少女心想跳返出嚟呢！

呢款20週年紀念高踭鞋賣成萬九円一對，即係差唔多千三蚊港紙㗎，仲要係預訂款，出年3月先到貨，三分鐘熱度嘅妹豬都係諗清楚先好orrrrrder喇～不過睇下相，呼喚下自己一去不回頭嘅青春小鳥都好嘅～

封面圖片、資料來源連結：Bandai

延伸閱讀：【嗚呀】俄羅斯溜冰冠軍Cos美少女比賽 仲得到作者送畫