細個睇卡通片（特別係美少女戰士呀），都唔明點解佢哋可以變身變咁Q耐，係就係好靚好誘人，但係唔怕隻怪獸趁佢換戰衣嗰時偷襲佢嘅咩……要變身，好心就學下星之卡比啦！

嘩～好大個芝麻包呀！等我大大力咬落去先！嗯嗯嗯～芝麻有芝麻味，包有包味！

星之卡比好似飲咗變身水嘅愛麗斯咁，開始feel到身體有啲變化喇，聽唔聽到佢個肚仲咕咕聲咁呀？呢個毛文，佢要爆發喇！等我變身先～！

「等我變身先」嘅下一句，果然係「呢個人相當有嫌疑」……本身眼大大咁嘅樣咪幾cutie嘅，無啦啦變身做粗眉肉緊男真係好咩……睇你個眼神，都知你feel到自己中咗個大伏啦哥仔。

呢個熊仔蛋糕都好kawaii呀，個樣好似好眼瞓咁，見到都想搓下佢塊面呀！

到底邊個咁多手將熊仔對眼擺咗上去，搞到佢一秒變突眼妖怪！原來唔止女大會十八變，連熊大都會十八變，不過個變字就好中性嘅，冇話包保變靚咁囉……

pic.twitter.com/I7sZvNZ1i2

— ゆぐ (@uxit_x360) November 28, 2016

封面圖片、資料來源連結：uxit_x360／twitter、miti_mithi／twitter

延伸閱讀：【變身～！】卡比變咗個大哈密瓜呀