2016年11月29日 星期二
【高溫燒滾了我】當錯焗爐係微波爐 結果叮到隻微波碗咁樣樣
九大簋就話難度高唔係人人整到啫，估唔到，原來用微波爐叮返熱啲嘢食都一樣咁難㗎喎！最近，有位來自台灣嘅天才廚神就諗住叮返熱噚日食剩兜意粉嚟食，咁咪拎個新買嘅微波爐專用碗出嚟用囉，點知5分鐘之後……咦，點解個微波爐專用碗會熔到咁樣樣㗎？
真係毛毛隔住個mon都聞到陣膠味！話時話，點解話明係微波爐專用碗都仲會搞成咁嘅？唔通係假嘢嚟？唉，你哋畀啲摩擦力睇清楚張相……呢位網民用緊嘅唔係微波爐，係焗爐嚟㗎！放個微波爐碗落焗爐就梗係gg啦！
而有另一位網民表示，自已嘅fd子都試過傻傻分不清微波爐同焗爐，所以搞到咁呀……
老老77，想分清楚微波爐同焗爐？其實唔難，記住「微波爐會轉圈圈，焗爐唔會」咪得囉！btw，毛毛希望呢位連天才廚神下次唔會拎個鐵碗去微波爐到叮啦……
資料來源：ptt
