雖然開講都有話郵差叔叔送信純熟迅速送出，但如果郵差叔叔見到嘅係呢個信箱，應該就唔係迅速送出，而係迅速9縮喇……事關個信箱竟然收埋咗對金童玉女喺入面呀！嘩，唔係咁得人驚下話？家陣農曆七月咩？

話說，有位台灣網民嘅同事就話，朝早起身去收信嘅時候見到郵差叔叔將啲信放咗落地，心諗乜而家啲郵差咁冇禮貌嘅？點知睇真啲先知原來郵差叔叔唔係冇禮貌，而係畀對金童玉女嚇到跌咗啲信落地咋！

睇真啲，呢對金童玉女都整得幾精緻幾靚吖～嫌人哋著唐裝衫有少少鬼片feel唔，咪買套barbie sexy沙灘裝畀佢換囉！其實樂觀啲咁睇，唔係放私煙本寫真集喺個信箱度咪算好……

資料來源：江明晉／爆料公社

回帶：【嚇死人咩】擺對金童玉女喺車頭係咩玩法？