相信大家屋企都有好多碎濕濕嘅雜物，特別係女仔呀，又飾物啦又護膚品sample啦又呢樣嗰樣，不過肯肯定盒盒罐罐仲多，個個盒都諗住第日有用、第日拎嚟裝雜物，但係個「第日」一直都未到……如果識得一物二用，用其他物件代替，咁咪可以掉晒啲盒盒罐罐囉！

呢個老公就醒目呢，將老婆個bra墊當係碟仔咁用嚟裝糖都畀佢諗到啵！可能男仔就唔係好明呢塊到底係咩嚟，想問乜bra唔係兩邊嘅咩？呢個係bra墊！bra入面嘅墊呀！即係升球大墊呀！一邊攝一塊（或以上）㗎！講返個老公呀，唔知佢是咪想暗串老婆得3粒糖仔咁……算啦都係冇嘢喇。

毛毛奉勸個老婆都係有手尾啲，收返好啲咁私人嘅用品好啲喇，唔係第日生咗BB，老公用嚟當護膝畀佢戴呀！

旦那…それは小皿じゃないよ… pic.twitter.com/rk5HkEjgg6

— 鉄血のさなえ (@37_bot) November 29, 2016

封面圖片、資料來源連結：37_bot／twitter、龔鈺荃

延伸閱讀：【阿媽崩潰一刻】唔怪得人哋話唔可以畀老竇湊BB啦！