宮崎駿之前話出返山畫動畫，大家開心之餘，都不禁懷緬下那些年細個睇嗰啲動畫。其中一套就梗係「四川移動城堡」啦～除咗靚仔嘅哈爾，大家又點會唔記得個團咁卡哇兒呢嘅卡西火呢？日本仲出咗個卡西火煎pan?呀，成個卡西火個樣喺上面，唔知煎嘢會唔會火候好啲㗎呢？

見到個煎pan咁打耳係咪即刻想學哈爾咁拎住佢煎煙肉同蛋呢～不過識用呢隻pan，就梗係用佢嚟煎卡西火pancake 㗎啦～事不宜遲，即刻去相！

嘩！邊位呀？唔L係呀，呢隻係卡西火？你呃人！乜冇見佢一排，卡西火搞到中咗輻射咁呀！本來整pancake整到中咗輻射咁，係唔容許嘅，念在你幾有創意，整過個喇。

今次變咗黑化咗嘅卡西火呀！不過You are not a窿嘅，仲有大把人都失敗咗呀！唔緊要啦，唔似卡西火，都有啲似⋯⋯《刧後餘生》個Wilson呀，都係歷刧然後在一起啫～

又唔係個個都Epic Fail嘅，好似呢個咁，咪還原度幾高～計毛毛話，你梗係無同卡西火立定契約先煎喇，你試下下次煎之前切啲嘢落去先，睇下會唔會好啲？毛毛講緊切牛油呀，唔係你想切咩呀？

封面圖片及資料來源：@poyoyome/ twitter

圖片來源：@itsukiiing4190/ twitter、mohko_inthesun/ twitter