最近，喺加拿大有寵物賣家為咗令貓貓賣到更高嘅價錢，竟然幫啲普通貓貓全身剃毛，扮成無毛貓咁賣畀人？哼，你呢個卑鄙無恥、下流賤格、社會嘅人渣敗類、拆白黨、死飛仔吖！

話說，呢位叫JoAnne Dyck嘅妹豬早前就用大約700蚊美金（約5400蚊港紙）買咗隻無毛貓返屋企，點知買咗先幾個星期，隻貓貓啲毛毛就生返出嚟喇。原來呢隻笨唔係無毛貓，佢只係一隻普通貓貓。

貓貓無分貴賤，生出嚟係一隻普通貓當然冇問題啦，之但係個商人咁嚟呃9人就係衰呀嘛！呃錢都算，事後Dyck帶貓貓去睇獸醫仲發現，貓貓因為被剃毛搞到條尾嘅傷口受感染，有機會要切除？唔止咁，平時貓貓仲會時不時慘叫，好似好痛苦咁?……

到底喺嗰位商人眼中，除咗錢，仲有冇其他嘢呢？

而有網民表示，自己都試過買完無良商人「自製」嘅無毛貓返屋企先發現，原來嗰隻係一隻黑貓。

最後，毛毛想同一眾準主人講，與其擔心自己會遇到無良商人，不如去湊隻健健康康嘅流浪毛孩返屋企好過啦！都係嗰句，請以領養代替購買。

資料來源：boredpanda